الدرس الاول من دورة [ كوني انتي ] : كيف اثق بنفسي

[center]

الدرس الاول من دورة [ كوني انتي ] : كيف اثق بنفسي 2915_0cdf6962734e2

السلآم عليكم آنآ ريمَ اضن كلكم تعرفوني ..
طبعاً آنتو عآرفين دورة كوني آني وكذا
ف اليوم رآح يكون الدرس عن
]كيف تثقي بنفسك ]
قبل كل شي آنآ حآبة انوه ععَن نقطه
آنآ جآلسة اتكلم على حسب خبرتي وموآقفي
اللي مريت فيهآ وبرآيي اننا نتعلم من تجآربنا
افضل من دورآت نحظرها لآتقولو عني صغيرة
لآنه سبق وصآرتلي أشيآء كثير رآح اكشف
لكم بعضها بموآضيع بآلدورة
وحتى لو آستفآدت من هذي الدورة بنت وحدة
مآيهمني مآدآمها استفادت هذا خلاص يعني
يعتبر هدفي في الموضوع
في شغلة ابغى اوضحها في الدورة هذي رآح اتكلم معآكم
كآنو موضوع بتكلم مع صحبآتي فيه مآرح اتكلم معآكم كآني
دكتورة مختصة او كآنو برنآمج ععَ التلفزيون لآني احس
ان هذا الشي ضروري تحسي انك تقري او تسمعي من بنت
زيك زيها فلآ تعتبريني مختصة او دكتورة او اي شي
اعتبريني صآحبتك جالسة معاك وجآلسين نتنآقش مع بعض
-
الثقة بآلنفس لها اكثر من سبب انها تكون معدومة عند
البنت او تكون ناقصة طبعآ للبنات او للناس اللي يقولو
لآ لو انتي مآكنتي وآثقة بنفسك لمآ كنتي صغيرة صعب
تلآقيها لمآ تكبري , طبعا اقولكم آنو هذا الكلآم خطأ
لآنو كثير سمعت آنو في بنآت كآنو اطفآل ثقتهم بنفسهم
كآنت مرة مرة قليلة فكآنت خآيفة انو يأثر على مستقبلها
اقولك لآ مآرح يأثر لآنو هي مثل التجآرب تمري فيها
وتعزز لك ثقتك بنفسك لآكن الافضل انو الاطفال يتعاملو
بهذا الموضوع بثقة تامة لآزم تبنولهم ثقتهم بنفسهم عشان
يعيشو طفولة صحية
-

-
لمآ تكوني فمكآن او لمآ تروحي مكآن عزيمة فرح آي شي
ضروري تحطي فبآلك [ انو انا مآ ابغى اتزبط عشآن النآس , مآ ابغى احط ميك اب
عشان الناس , مآبغى البس فستآن عشآن الناس , انا ابغى اتزبط عشان نفسي ]
ليش اقولك زي كذا ؟
للآنو انتي لمآ تحطي اعتمآدك التآم على ارضآء الناس
مممستحيييل كل الناسس رآح يعجبهم فستآنك او شكلك
يعني مثلا رحتي عزيمة رآح تللآقي مثلآ بنتين قآلولك شكلك حلو
بنتين قآلولك لآ شكلك مو حلو طب ايش حتسوي ؟
فَ ترضي نفسك اولاً قبل الناس عشآن انتي ترتآحي في حيآتك
آنك لمآ تلبسي شي تحطي ميك اب تشتري شي اتأكدي انو آنتي
عآجبك اول قبل الناس
الجملة اللي هي - رضى الناس غاية لآتدرك -
ممكن كثير نسمعها من يوم احنا صغار لآكن سبحآن الله
محد رآح يستوعبهآ كويس الا اللي مر فيها من جد
لما تمري فيهآ وتحسي انو يآ الله انا ليش اسوي هذا كله
والنآس اصلا ماحيجبهم شي سوآء سويتي كذا مآرح يعجهم
سويتي كذا مآرح يعجبهم ! إذاً انتي في الاخير لآزم
تسوي اللي انتي يعجبك لآنو عَ الاقل حتى لو ما اعجب الناس
عالاقل انتي رآضية عن نفسك .. شعور الرضا عن النفس
هذا شي لآزم تنمي في نفسك ..
-

-
طبعا الشي الثاني هو تقبل الصحبات لآلأسف انو البنت في عمر المرآهقة
الصحبآت يكون لهم تأثير مررة كبير في شخصية البنت
لآنو وقتهآ البنت تكون تحآول انها تكون صدآقآت
لآكن صدآقآتها هذي حتكون غلط لآنو انتي لما تكوني مع قروب
بنات او صحبات تحاولي تغيري من نفسك عشان ترضيهم
او عشان يقبلو فيكي ك صديقي اعرفي انو انتي في دائرة الصدآقة الغلط !
الصديقات الحقيقيات حبيبي هم اللي يرضو فيكي زي مآ انتي
مآيحتاج تغيري من نفسك عشآن ترضيهم مآيحتآج تغيري
من شكلك عشآن يقبلوكي معآهم لو ماتقبلوكي زي مآ انتي
قوليلهم مع السلامة لآنو لو هم ما تقبلوكي غيرهم رآح يتقبلك عادي
ف أنتي من صغرك لآزم تعرفي انو آنا رآح اكون زي مآ انا انتي
تبغيني اكون صاحبتك بشخصيتي هاذي اهلا وسهلا
انا رآح اكون صديقة مرة كويسة لك لآكن لما انتي تطلبي
اني اغير شخصيتي عشان اناسبك واكون صآحبتك لآء معليش
مآرح اعيش حياتي وصدآقتنا الوهمية ع الفاضي ..
-

-
برضو من اسباب نقصان الثقة بالنفس اللي هي تأدي للعزلة
وتأدي انو البنت تجلس بالبيت وترفض انها تخرج من البيت
بسبب انها ماتبا تسمع كلام لآنو انتي مركزة على عيوبك زيآدة عن اللزوم
اي كلمة حتسمعيها من برة اي كلمة حتسمعيهآ حتأثر فيكي
شي لآزم تفهمي انو كلنا عندنا عيوب حتى البنت هاذي اللي جالسة تجرحك
بكلآمها عندها عيوب كلنا لآنو مافي انسان معصوم عن الغلط
ف أنتي ضروري تتقبلي هذي النقطة
[ انا ماني كاملة وعادي , مو عيب اني ماني كاملة ]
اول شي يساعدك على ثقتك هو لما تستوعبي عيوبك وتبدي تتقبليها
ف النقطة هي ان انتي تعرفي عيوبك العيوب اللي انتي حاسة
انها هي اللي تضرك مستقبلا او حاضراً او تجرح اللي حوليك حاولي تحسنيها
ركزي على عيوبك وافهميها وحاولي تعالجيها حبة حبة
مو شرط تعالجيها في يوم وليلة لآنو الموضوع حيآخذ وقت
اما العيوب اللي هي مآتضرك ولآتضر الناس اللي حوليكي
عادي تقبليها لآنو حتحسي انو عادي
[ طب هو كل انسان كذا كل انسان ناقص بشي
لآنو ربي خلقنا كذا مافي انسان ماعندو اغلاط ]
الكمال بس لله
-
كلنا تجينا اوقات نفقد التوازن فيها
احيانا ندقق بأشياء مرة عادية فينا ندقق فيها زيآدة عن اللزوم
وآحيانا نسمح للناس يكسرو شي فينا
والاسوء انك تكسري شي فيكي بنفسك
اكبر خطأ ترتكبي في حق نفسك انك تخفي هويتك الحقيقية لآنك مو وآثقة من قبول الناس لك
[ قصيرة , طويلة بزيادة ,بشعة , قالت لآزم اسوي رجيم لآني متينة , قالت مو حلوة ,
احط ميك اب كثير عشآن انا موحلوة , اي كلمة تجرحني , ما اعرف , ]
الشخص الوحيد اللي حيساعدك ترجعي ثقتك بنفسك بعد الله
هو انتي
فلازم ترسلي لنفسك رسايل ايجابية
[ انا ايجابية , واثقة بنفسي , حلوة , =) , شخصيتي واثقة
, هاذي آنا ]

لآتشيلي هم انتي مو لحالك
مهما كانت ثقتك بنفسك مكسورة
تقدري تبنيها من جديد ماهي نهاية العالم
وكلها خطوات بسيطة
والخطوة الاولى توكلي على الله
وكوني انتي

-
اكتفيت بهذا القدر اليوم
اتمنى عجبكم الدرس الاول :)
لآاحلل نقل اي شيء تعبت وآنآ اكتب واصمم
تحيآتي

الدرس الاول من دورة [ كوني انتي ] : كيف اثق بنفسي 2915_8a90884724c51

[/td][/tr][/table]

:

السلامم عليكم ورحمة الله وبركاتة YY897

ووووووووووووواووووووووووووووو
واااوووووووووووووووووووووووووو
وووووووواوووووووووووووووووووو
موضووووووووووع روووعة
ماشاء الله عليكي
موضوع كلش مفييد وكل البنات يحتاجوله واني وحدة منهم RGT548